दफा ३०
एकीकृत अभिलेख तयार गर्ने
(१) न्याय परिषदले देहायको विवरण सहित प्रत्येक न्यायाधीशको एकीकृत अभिलेख तयार गरी राख्नु पर्नेछ:-
(क) न्यायाधीश पदमा नियुक्ति भएको र अवकाश हुने मिति, निजको योग्यता, अनुभव र विशेषज्ञता सम्बन्धी विवरण,
(ख) निजमाथि कुनै उजूरी परेको भए त्यस्तो उजूरीमा न्याय परिषदबाट भएको निर्णयको संक्षिप्त विवरण,
(ग) संविधान र यस ऐन बमोजिम निज उपर कुनै कारवाही भएको भए त्यसको विवरण,
(घ) निजले गरेको फैसला वा आदेश माथिल्लो अदालतबाट सदर वा वदर भएको विवरण,
(ङ) निजले प्रत्येक अदालतमा गरेको फैसला र आदेशको संख्यात्मक विवरण,
(च) तोकिए बमोजिमकोअन्य विवरण ।
(२) न्याय परिषदले उपदफा (१) बमोजिमको अभिलेख राख्ने प्रयोजनको लागि आवश्यकता अनुसार छुट्टै सफ्टवेयरको निर्माण गरी सूचना प्रविधिको समेत उपयोग गर्न सक्नेछ ।